Loading...
មូល​ហេតុ​ ៤​ចំណុច ដែល​អ្នក​នៅ​តែ​ដាច់​លុយ ទោះ​មាន​ប្រាក់​ខែ​ច្រើន​ក្ដី
Cover
ថ្ងៃ​ចេញ​ផ្សាយ៖ មេសា 05, 2018
ចំនួន​ទស្សនា៖ 668 លើក

នាំ​មក​ជូន​ដោយ​៖ ដៃ​គូ​ដ៏​គួរ​អោយ​ទុក​ចិត្ត​ក្នុង​ការ​ទិញ​ / លក់​ទំនិញ​របស់​អ្នក DLi-MART (Home Delivery)

អ្នកមានត្រូវបានគេស្គាល់ ឬដឹងថា ជាមនុស្សដែលមានគម្រោងច្បាស់លាស់ និងចាយលុយបានត្រឹមត្រូវ។ ប៉ុន្តែ នៅតែមានអ្នកមានមួយចំនួនមិនចេះគ្រប់គ្រងលុយកាក់ និងគ្រប់គ្រងខ្លួនឯងដែលធ្វើឱ្យពួកគេធ្លាក់ខ្លួនក្របាន។

អ្នកទាំងនោះអាច មានទម្លាប់អាក្រក់មួយចំនួន ដែលធ្វើឲ្យធ្លាក់ខ្លនក្របាន៖

 

១) គ្មានការកត់ត្រារាល់ការចំណាយប្រចាំថ្ងៃ

មិនថាមានលុយយ៉ាងណានោះទេ មនុស្សម្នាក់ៗត្រូវតែទម្លាប់នៃការចាយលុយច្បាស់លាស់ ពោលគឺត្រូវកត់ត្រារាល់ការចំណាយរបស់អ្នក។ ប្រសិនជាអ្នក មិនកត់ត្រាទុកទេនោះ អ្នកមិនដឹងថាអ្នកចាយលុយច្រើនប៉ុណ្ណានោះទេ។ ពេលខ្លះអង្គុយគិតរាល់ការចំណាយតាំងពីដើមខែរហូតដល់ចុងខែ ធ្វើឱ្យអ្នកភ្ញាក់ខ្លួនព្រឺតក៏មាន។

 

២) គ្រប់គ្រងការចាយវាយដោយទៅតាមអារម្មណ៍

អ្នកមានដែលងាយនឹងដាច់លុយ គឺមានទម្លាប់ចាយលុយតាមអារម្មណ៍ មានន័យថា នៅពេលពួកគាត់សប្បាយចិត្ត ពួកគាត់ដើរផ្សារ ហើយឃើញអ្វីរមាស់ដៃទិញរបស់ហ្នឹង។ នេះជាទម្លាប់ធ្វើឱ្យដាច់លុយយ៉ាងលឿន។

 

៣) មានចំណូលបន្តិចបន្តួច

អ្នកមានមួយចំនួន មានប្រភពចំណូលលើសពីពីរ។ ប៉ុន្តែអ្នកមានមួយចំនួនទៀតគិតថា មានប្រភពចំណូលតែមួយក៏គ្រប់គ្រាន់ដែរ ហើយគ្មានរឿងអាក្រក់អ្វីនឹងកើតឡើងឡើយ។

 

៤) គ្មានចិត្តព្យាយាម

អ្នកមានមួយចំនួនមិនសិក្សាទីផ្សារឲ្យច្បាស់លាស់សិនទេមុននឹងវិនិយោគ គឺថាពួកគាត់ធ្វើតាមចំណង់ចិត្តភ្លាមៗ។ លើសពីនេះទៅទៀត ពួកគាត់មានអំនួតលើខ្លួនឯងហើយមិនសុំយោគយល់ពីអ្នកដទៃឡើយ ដូច្នេះពួកគាត់ងាយនឹងបោះលុយវិនិយោគដោយប្រថុយប្រថានស្រស់ៗ។ ប្រការនេះនឹងធ្វើឱ្យដាច់យ៉ៃ អាចដល់ធ្លាក់ខ្លួនក្រក៏ថាបាន៕


មតិ​យោបល់
អត្ថបទ​ថ្មី​បំផុត
ទំនាក់​ទំនង

1 096 350 1308

2 016 793 889

jomnesofficial@gmail.com

ភ្នំពេញ, ព្រះ​រាជា​ណាចក្រ​កម្ពុជា

បណ្ដាញ​សង្គម
ចំនួន​អ្នក​ទស្សនា
ចំណេះ - JomNes